Tölfræði

Umferðarslys á Íslandi 2011


Markmið stjórnvalda á Íslandi í umferðaröryggismálum

  • Að fjöldi látinna í umferðinni á hverja 100 þúsund íbúa verði ekki meiri en það sem lægst gerist hjá öðrum þjóðum, fyrir árið 2022.
  • Að fjöldi látinna og alvarlega slasaðra í umferðinni lækki að jafnaði um 5% á ári til ársins 2022
  • Grunngildi fyrir seinna markmiðið er meðaltal áranna 2006-2010

Fjöldi slasaðra og látinna í umferðinni 2011

  • Árið 2011 urðu 849 slys með meiðslum og í þeim slösuðust og létust 1229 manns. Þar af voru 166 sem slösuðust alvarlega eða létust en þeir voru 213 árið áður . 1063 slösuðust lítilega en árið árið voru þeir 1056. 12 manns létu lífið í umferðinni árið 2011 og er það fjórum fleiri en árið áður sem var metár. Samt sem áður má segja að í ljósi sögunnar hafi tiltölulega fáir látist í umferðinni árið 2011. Af þeim sem létust voru 6 manns sem létust vegna hraðaksturs eða ölvunaraksturs. Karlmenn voru undir stýri í öllum þeim tilfellum.
  • 48% þeirra sem slösuðust voru ökumenn bifreiða. Farþegar bifreiða voru 31% og fótgangandi voru 7%. Hjólreiðamenn voru um 7% og um 6% voru á bifhjóli.
  • Flest slys og óhöpp í umferðinni verða á virkum dögum á milli klukkan 15 og 18 síðdegis.

Banaslys árið 2011

12 létust í jafnmörgum umferðarslysum á árinu 2011. Sjö þeirra sem létust voru ökumenn eða farþegar í bílum, einn var á bifhjóli og fjórir voru fótgangandi.

Tveir létust í umferðinni á höfuðborgarsvæðinu árið 2011 og var annar farþegi í bíl en hinn fótgangandi. Fótgangandi stúlka lést á Siglufirði en hinir níu létust í dreifbýli. Þar af voru tveir fótgangandi.

Tveir létust af völdum ölvunaraksturs og fjórir til viðbótar þar sem um hraðakstur var að ræða. Í öllum tilvikum var karlmaður undir stýri.

Helmingur þeirra sem lést, sex manns, voru 17 ára eða yngri. Þar af létust fjögur 17 ára ungmenni í bifreið auk tveggja fótgangandi stúlkna.